Thursday, September 9, 2010

വീട് - ഷാജി അമ്പലത്ത്


കഷ്ട്ടപെട്ടാണ്
അടിത്തറയും
അസ്തിവാരവും കെട്ടിയത്

കളിമുറ്റവും
നടുമുറ്റവും
പ്രത്യേകം വേര്‍തിരിച്ചു

നിലാവ് കൊണ്ട് മേല്‍കൂരയും
ഊഞ്ഞാലുകെട്ടാന്‍
വടക്കെ മാങ്കൊമ്പും
മുറിച്ചു മാറ്റരുതെന്ന
ആഗ്രഹം അവളുടെതാണ്

കവിതകള്‍ക്ക്
വിശ്രമിക്കാന്‍
പൂമുഖത്ത്
ഒരു ചാരുകസേരയാണ്
എന്‍റെ സ്വപ്നം

അടുക്കി പെറുക്കി
വളരെ സാവധാനമാണ്‌
തുടങ്ങിയത്

പടച്ചവനോടൊപ്പം
പാതിരാ തീവണ്ടിയില്‍
അവള്‍
ഒളിച്ചോടിയതിനുശേഷമാണ്
പണി
പാതിയില്‍ മുടങ്ങിപോയതും
ചുരുണ്ടുകൂടാന്‍
ഒരു ഹൃദയമില്ലാതെപോയതും

3 comments:

Pranavam Ravikumar a.k.a. Kochuravi said...

Nice one...

maneesarang said...

പടച്ചവനോടൊപ്പം
പാതിരാ തീവണ്ടിയില്‍
അവള്‍
ഒളിച്ചോടിയതിനുശേഷമാണ്
പണി
പാതിയില്‍ മുടങ്ങിപോയതും
ചുരുണ്ടുകൂടാന്‍
ഒരു ഹൃദയമില്ലാതെപോയതും
-----------------------
നല്ല കവിത എന്നല്ല ഇതാണ് കവിത...

Bindu Santosh said...

good .